Почеток / Вести / Потпишан Меморандум за соработка меѓу MKD-CIRT и KOS-CERT

Потпишан Меморандум за соработка меѓу MKD-CIRT и KOS-CERT

Почитувани, Ве информираме дека денес на 20.02.2018 беше потпишан Меморандум за соработка меѓу Националниот центар за одговор на компјутерски инциденти (MKD-CIRT), како дел од Агенцијата за електронски комуникации на Република Македонија и Националната единица за сајбер безбедност (KOS-CERT) како дел од Регулаторниот авторитет за електронски и поштенски комуникации на Република Косово (RAEPC).
На средбата по повод потпишување на меморандумот за соработка меѓу националните CERT тимови на Република Македонија и Република Косово, Директорот на АЕК, Сашо Димитријоски и Претседателот на одборот на RAEPC, Крешник Гаши посветија особено внимание на активностите кои двете регулаторни тела и националните CERT тимови ги спроведуваат во насока на подобрување на сајбер безбедноста и координација на активностите за заштита од компјутерски инциденти. Се разговараше и за отпочнување на соработка меѓу MKD-CIRT и KOS-CERT согласно потпишаниот Меморандум за соработка при справување со инциденти во сајбер-просторот, разменување на искуства во областа на сајбер-безбедноста и создавање можности за учество во меѓународни активности, како и соработка во делот на обуки и програми насочени кон градење на капацитетите на тимовите.

Check Also

Wi-Fi Алијансата го објави WPA3 протоколот со нови безбедносни карактеристики

Wi-Fi Алијансата ја објави долгоочекуваната следна генерација на безжичниот безбедносен протокол – Wi-Fi Protected Access …