Прва национална симулациска вежба за справување со компјутерски/ИКТ безбедносни инциденти на национално и меѓународно ниво

На 8 мај 2018 година, Националниот центар за одговор на компјутерски инциденти MKD-CIRT во соработка со ОБСЕ мисијата во Скопје ја организираше Првата национална симулациска вежба за справување со компјутерски/ИКТ безбедносни инциденти на национално и меѓународно ниво. Настанот се одржа во хотел Арка, Скопје. За прв пат во Република Македонија учествуваа 45 учесници од 35 организации од владиниот, јавниот и приватниот сектор, како и оператори на критични инфраструктури во Република Македонија. Цел на настанот беше подобрување на соработката и координацијата на национално ниво во справување со компјутерски/ИКТ безбедносни инциденти. Настанот вклучи и симулациска вежба за напад на системи од критична инфраструктура и координација на одговорот при справување со инцидентот.