АКТИВНА ИЗМАМА – ИМПЕРСОНАЦИЈА НА МВР СО “САЈБЕР КРИМИНАЛ” ПРИЈАВИ

MKD-CIRT алармира: последниве денови кружи лажна e-mail кампања која се претставува како „Полициско обвинителство за сајбер криминал“ и лажно злоупотребува имиња на институции и службеници.

Целта е измама, уценување и изнудување лични податоци/пари.

Што е лажно во овие мејлови?

• Нема институција „Полициско обвинителство“
• МВР не комуницира за кривични дела преку gmail
• Ако институција ве контактира – нема да бидете ставени во bcc
• Полицијата не испраќа email известувања за „кривични дела“ или „идентификувани нелегални активности“
• Дел од содржината која овие измами ја наведуваат како „кривични дела“ воопшто не се кривични дела

Ова е класичен social engineering: да се создаде страв → да се натера граѓанинот да одговори → потоа следува уцена / барање на пари / документи / фотографии.
Што да направите?

• Не одговарајте
• Не праќајте лични податоци
• Не кликнувајте линкови

Доколку сакате да проверите – обратете се директно до официјалните канали на МВР или MKD-CIRT.

Споделете, предупредете!
 Колку повеќе граѓани знаат, толку помалку ќе паднат на вакви измами!