Критичен пропуст во Zoom Workplace може да овозможи далечинско зголемување на привилегиите без автентикација

Објавено: 12.11.2026

Zoom објави софтверски ажурирања за отстранување на две безбедносни ранливости што ја засегаат апликацијата Zoom Workplace за Windows, вклучувајќи и критичен пропуст кој може да овозможи зголемување на привилегиите на ранливите системи.

Ранливостите се наведени подолу:

CVE-2026-108186 (CVSS-оцена: 9.6) – Ранливост предизвикана од неправилна валидација на влезните податоци, која може да му овозможи на неавтентициран напаѓач да ги зголеми своите привилегии преку мрежен пристап.
CVE-2026-108187 (CVSS-оцена: 8.1) – Ранливост во проверката на потеклото (origin validation), која може да му овозможи на неавтентициран напаѓач да ги зголеми своите привилегии преку мрежен пристап.

Успешната експлоатација на која било од овие ранливости може да им овозможи на далечинските напаѓачи да ги зголемат своите привилегии без потреба од посебни дозволи или претходен пристап до системот.

CVE-2026-108187 ги засега верзиите на Zoom Workplace за Windows постари од 7.1.5, додека CVE-2026-108186 ги засега верзиите од 7.1.0 до верзиите постари од 7.1.8.

Претходно, во јули оваа година, популарната платформа за видеоконференции објави поправки за уште една ранливост предизвикана од неправилна валидација на влезните податоци, која ја засегаше апликацијата Zoom Workplace за Windows (CVE-2026-53412, CVSS-оцена: 9.8). Овој пропуст можел да им овозможи на неавтентицирани напаѓачи да преземат контрола врз корисничките сметки.

Иако Zoom не наведува дека ранливостите се искористуваат во реални напади, на корисниците им се препорачува да ги инсталираат најновите безбедносни ажурирања за да се заштитат од потенцијални закани.

Извори:

The Hacker News – Critical Zoom Workplace Flaw Could Allow Unauthenticated Remote Privilege Escalation The Hacker News