Blockchain Cronos повторно активен по експлоатација на Tectonic вредна 74 милиони долари

Blockchain мрежата Cronos повторно започна со тргување по напад преку манипулација на цената на платформата за крипто-кредитирање Tectonic, при што напаѓач успеал да позајми крипто-средства во вредност од 74 милиони долари.

Според досегашните информации, напаѓачот вештачки ја зголемил цената на токенот TONIC на Tectonic за 100 пати, а потоа го искористил како колатерал за да позајми реални средства. Манипулацијата со цената се случила во рок од 20 минути.

И покрај огромната сума што била генерирана преку експлоатацијата, напаѓачот успеал да украде само околу 6 милиони долари во Ethereum, додека остатокот од средствата останале „заглавени“ на мрежата Cronos, соопштува компанијата за blockchain безбедност и анализа на податоци PeckShield.

Cronos е Blockchain мрежа слична на Ethereum, поврзана со Crypto.com, додека Tectonic е апликација за децентрализирани финансии (DeFi) за кредитирање, која работи на мрежата Cronos.

Tectonic, која пред инцидентот беше најголемиот протокол за кредитирање на Cronos со заклучени средства во вредност од 122 милиони долари, им овозможува на корисниците да депонираат криптовалути и да позајмуваат средства користејќи ги своите средства како колатерал.

По инцидентот, вкупната вредност на заклучените средства (TVL), според DeFiLlama, изнесува нешто помалку од 3 милиони долари.

Вчера Tectonic соопшти дека го истражува инцидентот и ги советуваше корисниците да не комуницираат со протоколот сè додека платформата јавно не потврди дека е безбедно повторно да се користи.

Cronos брзо реагираше на откриената експлоатација и ја запре работата на Blockchain, со што беа замрзнати сите трансакции што биле во тек во тој момент.

Претходно денеска, Cronos повторно ја активираше мрежата и ги извести корисниците дека „повторно произведува блокови и е целосно онлајн“.

„Ова беше итна мерка на валидаторскиот консензус, преземена со цел да се заштитат корисниците од експлоатацијата на протоколот Tectonic“, наведува Cronos.

„Состојбата на мрежата беше вратена на моментот пред утринската експлоатација на Tectonic. Cronos повторно произведува блокови од 30 август 2026 година во 23:49:01 UTC, почнувајќи од блокот 90.896.189.“

Blockchain во моментов внимателно се следи за да се обезбеди стабилност, компатибилност со протоколите и да се откријат евентуални други проблеми.

Платформата исто така соопшти дека дополнителни детали за експлоатацијата ќе бидат објавени во извештај по инцидентот („post-mortem“), кој треба да биде објавен наскоро.

Извори:

• Bleeping Computer – Cronos blockchain restarts after $74 million Tectonic exploit Bleeping Computer