MKD-CIRT е национален CSIRT на Република Северна Македонија, организиран како посебен сектор во рамките на Агенцијата за електронски комуникации (АЕК). Придонесуваме кон националната сајбер отпорност преку следење на закани, рано предупредување, координација на инциденти и градење на капацитети кај конституентите.
Мисијата на MKD-CIRT е да придонесува кон националната сајбер отпорност преку следење и анализа на закани и ранливости, рано предупредување, прием и координација на пријави за инциденти, техничка поддршка, размена на информации и градење на капацитети кај конституентите.
MKD-CIRT ги извршува своите задачи врз основа на Законот за безбедност на мрежни и информациски системи („Службен весник на РСМ“ бр. 135/2025) и подзаконските акти донесени врз основа на него.
Документи и прописиСледење и анализа на сајбер закани, ранливости и инциденти.
Рано предупредување, предупредувања, совети и релевантни информации до конституентите.
Координиран одговор, поддршка при инциденти и анализа на технички показатели.
Динамична анализа на ризик и ситуациска свесност во рамките на надлежноста.
Ненаметливо скенирање на јавно достапни системи кога е дозволено со закон, без влијание врз нивното функционирање.
Примена на стандардизирани практики и шеми за класификација и соработка со други CSIRT тимови.
Учество во национални и меѓународни механизми за координација на инциденти и кризи.
Надзор над исполнувањето на обврските за сајбер безбедност на суштинските и важните субјекти согласно Законот за безбедност на мрежни и информациски системи.
Услугите се усогласени со рамката FIRST CSIRT Services Framework и се обезбедуваат во рамките на законските надлежности и расположливите капацитети.
Прием и тријажа на пријави, класификација, координација на одговорот, анализа на инциденти и IOC и препораки за ограничување и санирање.
Прием и анализа на пријави за ранливости, национална CVD координација, технички известувања и безбедносни предупредувања.
Следење на закани, рано предупредување и алармирање, динамична анализа на ризик и проактивно скенирање.
Размена на технички показатели и информации за закани со конституентите, партнерските тимови и институциите.
Советодавна поддршка, обуки, вежби и активности за подигнување на свеста.
MKD-CIRT посредува меѓу пријавувачите и производителите или давателите на услуги и ги координира роковите за обелоденување. Ранливост може да се пријави и анонимно – MKD-CIRT ја штити анонимноста на пријавувачот.
Конституенти на MKD-CIRT се суштинските и важните субјекти, како и другите организации за кои MKD-CIRT е надлежен согласно Законот за безбедност на мрежни и информациски системи и актите за распределба на надлежностите меѓу CSIRT тимовите.
Регистрација на конституентMKD-CIRT функционира како посебен сектор во рамките на АЕК. Министерството за дигитална трансформација и MKD-GOV-CSIRT (тимот за одговор на инциденти за органите на извршната власт) ги извршуваат своите посебни законски улоги. MKD-CIRT учествува во законски утврдената национална и прекугранична координација, без да презема овластувања на други органи.
Субјектите со обврска за известување ги почитуваат следните рокови, сметано од моментот на дознавање за значајниот инцидент.
Веднаш, најдоцна во рок од 3 часа (и за значајна сајбер закана)
чл. 33 ст. 1Во рок од 24 часа
чл. 33 ст. 3 т. 1Во рок од 72 часа
чл. 33 ст. 3 т. 2На барање на надлежниот CSIRT
чл. 33 ст. 3 т. 3Најдоцна еден месец по известувањето од 72 часа
чл. 33 ст. 3 т. 4
0FB9 3DA3 E008 FA8B FC6A 9C71 0741 17A1 333C 00DBЧувствителните информации (технички показатели, логови, детали за ранливости) испраќајте ги шифрирани со PGP клучот на MKD-CIRT. Целосниот опис на тимот, политиките и услугите е достапен во документот RFC 2350 (верзија 2.0, TLP:CLEAR).